设为首页收藏本站
联系电话:400-123-888
快捷导航
查看: 1059|回复: 0

东帝汶足球唔系垃圾?

[复制链接]

8

主题

8

帖子

40

积分

管理员

Rank: 9Rank: 9Rank: 9

积分
40
发表于 2017-12-4 15:46:14 | 显示全部楼层 |阅读模式
世界盃外围赛亚洲区打左2轮,有唔少以往被公认为弱旅嘅国家队都黎过大爆发,当中包括东帝汶。

相信甚少关注东南亚足球者对东帝汶足球嘅印象,可能离不开东锦外围赛被柬埔寨及老挝之流大炒,又或者喺世界盃外围赛畀香港及尼泊尔大炒淘汰,总知就系于亚洲贴底嘅国家足球队。但我可以好肯定,该支经常被大炒收场东帝汶国家足球队,已于2011年11月正式宣佈死亡。

要了解东帝汶足球,就先要讲讲东帝汶足球之过去。2002年5月20日东帝汶脱离印尼独立成国后立即成立东帝汶足球协会 (Federa??o Futebol de Timor-Leste) ,2003年宣佈加入亚洲足协并于同年3月首度亮相于2004年亚洲盃外围赛,当时东帝汶国内情况依旧混乱,亲印尼派与主张独立派继续互相攻击,新成立嘅政府末能控制社会,加上独立前印尼军队于东帝汶四处进行破坏,令本身已经疲弱嘅东帝汶经济严重崩溃,市面复原速度缓慢,长期受印尼政府军攻击,贫困、飢饿、打劫随处可见,根本冇钱成立足球联赛,即使连业馀联赛都容不下。

受到前葡萄牙殖民政府及吞併者印尼之影响,足球成为东帝汶最受欢迎嘅体育活动,被印尼吞併时期就有唔少东帝汶人做职业足球员,部分更成为印尼国脚,比较出名嘅有同佩迪里差唔多同期出道嘅前锋 Miro Baldo Bento (班图),呢位于东帝汶帝力市出生嘅前锋曾经喺90年代未为印尼国家队上阵,东帝汶脱离印尼独立成国后就自动向东帝汶足球协会报到改为代表东帝汶国家队(*1),成为当时东帝汶最著名及唯一职业足球员。

初期东帝汶派队参加亚洲赛及东锦赛,队中除班图、海外归化球员 Alfredo Esteves(艾菲度)外,大部分只系东帝汶足协招募返黎嘅业馀球员,即使2004年获国际协助成立 Super Liga Timorense (东帝汶超级足球联赛),但受到多种限制,东超联只能以业馀嘅形式生存,东帝汶国家队实力亦非常有限。

但到左2011年,东帝汶足协派出23岁以下国家队参加东南亚运动会足球项目,今次呢支U23国家队起用大量于海外踢职业足球嘅血统球员,呢批球员大部分来自巴西、葡萄牙及澳洲,有巴甲后备兵、葡乙预备组球员及澳职弃将,虽然如此,但东帝汶U23依旧被视作鱼腩。

2011年11月5日,当时东帝汶足球久未尝过赢波滋味,但却先赢汶莱U23,唔够2日在赢本属小组黑马嘅菲律宾U23,令球迷跌破眼镜,虽然最终于小组出局,但表现已超出外界预期,更肯定血统归化球员计划将会成为东帝汶足球嘅止痛药。

一年后,东帝汶足协派出大约人脚参加东锦外围赛,2年前柬埔寨至大炒过东帝汶,但今次东帝汶就以5比1大炒返柬埔寨,之后在羸出线大热老挝,只系最后关头不敌汶莱出局,但到左呢个时候,东帝汶足球已向世人发出警示:我唔系垃圾。

今日,东帝汶超级足球联赛依然以业馀/半职业为主,但青年足球时有佳绩,不过欠硬件及配套,唔少好波之人成年后都唔会做球员,国家队仲系要靠血统归化球员增强实力,呢批归化球员有几个甚为猛料,结果阿联酋对住呢支东帝汶都羸得十分辛苦。

马来西亚被东帝汶迫和后,当地球迷都唔多收货,但未必系马来西亚足球退步,可能系东帝汶有进步都未定,呢批知名度一般嘅血统归化球员有返东帝汶发展嘅巴西、葡萄牙球员,亦有球员效力紧科威特、阿联酋、巴西、泰国、葡萄牙等地联赛,踢过巴西甲组、葡萄牙超联嘅球员又有,踢过澳门甲组都有,呢支杂牌军睇落好化学,但领教过你就知,仲以为系畀香港炒8个果支东帝汶?训醒味呀?
回复

使用道具 举报

您需要登录后才可以回帖 登录 | 立即注册

本版积分规则

关注我们

咨询热线

400-616-8576
Powered by 赌博网 © 2001-2017 All Rights Reserved.
快速回复 返回顶部 返回列表